லேடி ‘ரோலெக்ஸ்’ ஆகிறார் சமந்தா!! தளபதி 67-ல் விஜய்க்கு வில்லியாக மிரட்டப்போகிறாராம்!!815680363

லேடி ‘ரோலெக்ஸ்’ ஆகிறார் சமந்தா!! தளபதி 67-ல் விஜய்க்கு வில்லியாக மிரட்டப்போகிறாராம்!!

லோகேஷ் கனகராஜ் இயக்கத்தில் உருவாக உள்ள தளபதி 67 படத்தில் நடிகர் விஜய்க்கு வில்லியாக நடிகை சமந்தா நடிக்க உள்ளதாக தகவல் வெளியாகி உள்ளது.

கோலிவுட் முதல் பாலிவுட் வரை முன்னணி நடிகர்கள் பலருக்கும் பேவரைட் இயக்குனராக மாறிவிட்டார் லோகேஷ் கனகராஜ். இதற்கு காரணம் இவரின் படங்கள் தான். இதுவரை இவர் மாநகரம், கைதி, மாஸ்டர், விக்ரம் என நான்கு படங்களை இயக்கி உள்ளார். அந்த நான்கு படங்களுமே பிளாக்பஸ்டர் ஹிட் ஆகிவிட்டன. அதிலும் குறிப்பாக கடைசியாக இவர் இயக்கத்தில் வெளியான விக்ரம் படம் ரூ.440 கோடிக்கு மேல் வசூலித்து சாதனை படைத்தது.

தற்போது நடிகர் விஜய் வாரிசு படத்தில் நடித்து வருகிறார். இப்படத்தின் படப்பிடிப்பு இறுதிக்கட்டத்தை எட்டி உள்ளது. இப்படத்தின் ஷூட்டிங் முடிந்த பின்னர் லோகேஷ் கனகராஜ் இயக்கும் படத்தில் நடிக்க திட்டமிட்டுள்ளாராம் விஜய். தளபதி 67 படத்தில் நடிகை சமந்தாவும் நடிக்க உள்ளதாக கூறப்பட்டு வந்த நிலையில், தற்போது அவரது கேரக்டர் குறித்த தகவல் வெளியாகி உள்ளது.